UMongameli Thabo Mbeki wele South Africa uthi ukulungisa ingxabangxoza embese ele iZimbabwe, ngokunye kwezinto ezisemqoka afisa ukuzilungisisa ngeminyaka yakhe yokucina yokuba ngumongameli.
Esethula inkulumo yakhe yezimali edaleni lephalamende lomzansi Africa izolo, uMnumnzana Thabo Mbeki uthe inhloso yakhe ngeyokuthi inkinga zeZimbabwe zisonjululwe ngesiphangiphangi. Ubuye wathi uyathokoza ngokuzimisela kwezizalwane zeZimbabwe ekulungisisweni kwenkinga ezibhekane lelizwe, wathi abeZimbabwe kukhanya befuna amanyathelo abambekayo hatshi ukwenza izaba.
Ngesikhathi sinye umkhokheli webandla le Democratic Alliance ephalamende uNkosikazi Sandra Botha, uthe ibandla lakhe limupha ithuba uMongameli Mbeki elokuthi akhokhele ekuqedeni inhlupho zeZimbabwe, lobanje bebesabela ukuthi uMongameli Mugabe, kazimiselanga ngokuqotho kulezi nkulumo.
UBenedict Nhlapho usethulela lolu daba.