amalinks wokungena

Breaking News

Abasekeli Bamacele Omabili e MDC Bakhuthaza Ukumanyana


Amalungiselelo okhetho lomnyaka ozayo aqhubekela phambili kucele le MDC elikhokhelwa nguMnumzana Arthur Mutambara, amalunga edale lepalamende ephathekile ngokukhuthaza uzulu ezigabeni zabo ukuthi athathe izithupha lokubhalisa ukuvota. Laloba icele leli lithe alisoze liphatheke kukhetho nxa isisekelo sombuso singaguqulwanga, lithi alisoze limelele ukuguqulwa kwaso yikho liphakathi kwamalungiselelo okungena kukhetho,lilethemba lokuthi ithuba lisesekhona lesisekelo sombuso esitsha.

Omela isigaba se Hwange East edaleni lepalamende, uMnumzana Thembinkosi Sibindi uthi ekuhambeni kwakhe ezigabeni zemaphandleni uzulu ukhathazekile ngendlala langokubhidlika kwebandla le MDC. Ngeviki edluleyo besokuphuma imibiko yokuthi inkulumo zokuthi amacele e MDC asebenzelane ndawonye, kumbe amanyane sezehlule.

U Sibindi utshele u Brenda Moyo we Studio 7 ukuthi abesekeli babo bakhuthaza ukumanyana kwamacele omabili, elikhokhelwa nguMnumzana Morgan Tsvangirai, lelikhokhelwa nguMnumzana Arthur Mutambara ukuthi alwisane loMongameli Robert Mugabe endawonye.

Ezinye Indaba Ze Studio7..

XS
SM
MD
LG