amalinks wokungena

Breaking News

IZCTU ithi Ayizukuya Emhlanganweni we EMCOZ


Inhlanganiso yezisebenzi, iZCTU ithi kayisoze iye emhlanganweni wenhlanganiso yabaqhatshi, iEmployers Confederation of Zimbabwe, kumbe iEMCOZ ozenziwa kusasa eHarare.

Lumhlangano ukhangelwe ukuhluza udaba lwesivumelwano sezisebenzi, abaqhatshi lohulumende, iSocial Contract. Kunyanga ezimbili ezedluleyo uhulumende ulobelane phansi lesi sivumelwano labaqhatshi kodwa iZCTU yala ukwenza lokhu isithi kayisinanzi lesi sivumelwano.

Phansi kwalesi sivumelwano ingatsha lezi ezintathu zimele zivumelane isilunganiso okuzakhwezwa ngaso intengo yezinto ezitolo njalo lokuthi iholo kumele likhwezwe ngesilinganiso esinganani.

IZCTU yona kayivumelani lohulumende othi kumele iholo limiswe ukukhwezwa ngoba isithi intengo yezinto isivele yaqonga okokuthi kungamiswa ukukhwezwa iholo lezisebenzi, ezivele zithwele gadalala, zingahle zibe ngabayanga okuphindwe kanengi.

Unobhala jikelele weZCTU, uMnu.Wellington Chibhebhe uchasisele uChris Gande westudio seven okunengi ngomhlangano wakusasa.

Ezinye indaba ze studio 7…

XS
SM
MD
LG