amalinks wokungena

Breaking News

Umsekeli Kamongameli Welinye Lamacele EMDC Ube Lomhlangano Lenthathelizindaba eGhana


Icele le MDC elikhokhelwa nguMnumzana Morgan Tsvangirai lamuhla libe lomhlangano lentathelizindaba e Accra eGhana lapho elizazise ukuthi kuqakathekile ukuthi inhlanganiso ye African Union ihlolisise ukuqhutshwa kokhetho oluzayo elizweni ngoba ibandla le Zanu PF selivele seliqalisile ukuqila.

Umsekeli kamkhokheli walelibandla uNkosazana Thokozani Khuphe ubikwa etshele lumhlangano ukuthi iZanu PF iqila ngokwalela ibandla lakhe ukuthi libe lemhlangano, lomthetho wokuncindezela i AIPPA njalo uthe i AU kufanele ibekhona elizweni kusasele inyanga ezine ukuthi ukhetho luqalise. Ungezelele wathi ibandla lakhe lilethemba lokuthi imizamo enziwa nguMongameli Thabo Mbeki wele South Africa ukulamula ibandla le zanu pf lamabandla aphikisayo izaphumelela. UKhuphe uthe i MDC iyasekela uhlelo lokwabiwa kutsha komhlabathi kodwa isola indlela oluqhutshwa ngalo.

Kunjalo nje, inhlanganiso ezizimeleyo ezivela emazweni atshiyeneyo ezigoqela ezeZimbabwe ezise Accra lamuhla zithi zinqume ukubumba ikomiti ezahambisa izikhalazo zayo emihlanganweni efana lalowo okhangelelwe ukuqalisa ngempelansonto eghana. Lokhu kulandela umhlangano ebezilawo izolo ntambama, ezithi uphumele kakhulu. Umnumzana Joseph James, umgcinisihlalo we nhlanganiso ye Law Society of Zimbabwe utshele uSithandekile Mhlanga ukuthi kuqakathekile ukuthi inkokheli yamazwe eAU azwe imbono yabo.

Ezinye izindaba zeStudio 7 …

XS
SM
MD
LG