amalinks wokungena

Breaking News

Indlala Idla Ubhedu Emaphandleni KweleMandebeleni


Ukuswelakala kokudla ezigabeni ezinengi zelizwe emaphandleni kubikwa sokufike esibangeni esibi kakhulu. Kubikwa inengi leziphala ze GMB aziselalutho njalo impuphu ayitholakali ezitolo, kuthi ukudla okutholakalayo kudule okwamagama.

Omela iMangwe edaleni lephalamende njalo ekukomidi ebona ngezokulima kulelidale, uMnumzana Edward Mkhosi utshele uSithandekile Mhlanga weStudio 7 ukuthi inhlanganiso ezimeleyo, eye world vision, isimile ukunika abantwana labagulayo ukudla kulesisigaba.

Kunjalo nje, isiphathamandla se cele le MDC elikhokhelwa nguMnumzana Arthur Mutambara esigabeni se Insiza, uMnumzana Siyabonga Malandu Ncube, utshele uSithandekile Mhlanga weStudio 7 ukuthi inengi labantu seliphila ngamajodo ngoba yiwo eliwathola emasimini. Uthi abantwana lokhu bethola usizo lokudla ilambazi ezikolo kodwa abenelisi ukudla amajodo adliwa emakhaya.

Ezinye izindaba zeStudio 7…

XS
SM
MD
LG