amalinks wokungena

Breaking News

Uhulumende Ukhuthazwa Ukuthi Akhulumisane Labamabhizimisi


Uhulumende usebophe abamabhizimisi abedlula inkulungwane kumaviki amabili edluleyo ebethesa umlandu wokungehlisi intengo yezinto ezitolo. Abanye abangamatshumi amathathu lantathu ababobotshwe ngempelasonto edluleyo, abanye babo bakhululwa namhla ngemva kokuhlawuliswa izigidi ezintathu zamaDollar emuntwini eyesibambiso- i bail.

Konke lokhu kwenzakala uhulumende laye esezama ukubeka umthetho onqabela abezamabhizimisi ukukhweza intengo yezinto mahlayana. Ukuvinjwa kokukhwezwa kwentengo yezinto kubikwa sokubangele ukusilela kwezinto, ezigoqela impuphu, itshukela, inyama amafutha okuphekisa lokunye. Lamhlanje emadolobheni ambalwa kubonakale indwendwe zezimota emagalajini epetulu, layo esiqalisile ukusilela.

Umninibhizimisi wako Bulawayo, uMnumzana Alex Goosen olama butcher, uthi kulokuthi uhulumende aqhubeke ebopha abanini bhizimisi uhulumende kumele akhulumisane labo ukuze kulungisiswe udaba lwentengo lolu. Kunjalo nje ingcwethi kwezombusazwe zithi uhulumende weZimbabwe uzembele ingcwaba ngokubamba ngamandla abamabhizimisi ukuthi behlise intengo langokuqhubeka ebabopha ngoba lokhu kuzabhidliza ngamandla inotho yelizwe.

UMnumzana Zenzo Nkomo ingcwethi kwezombusazwe elilunga le Communist Party ye South Africa utshele u Brenda Moyo we Studio7 ukuthi ukubhidlika komnotho weZimbabwe kuthuthukisa umnotho wamazwe angomakhelwane.

Ezinye Indaba ZeStudio7

XS
SM
MD
LG