Incitshi kwezenotho zithi inyathelo elisanda kuthathwa nguhulumende elokwehlisa intengo yezinto ngenani elingamatshumi amahlanu ekhulwini akuncedi ekuthuthukisweni kwamabhizimusi e zimbabwe.
Lokhu kuvele kumhlangano owenzelwe e harare namhlanje ojonge ukudinga indlela ezingenza ukuthi amabhizimusi aqubekele phambili esebenza kulokuvala. Umhlangano lo uqoqwe yinhlanganiso yamabhizimusi kuleli eye Zimbabwe National Chamber of Commerce njalo ungenwe yinkokheli zamabhizimusi atshiyeneyo akuleli kanye lencitshi kwezenotho ezigoqela umnumzana Andy Hodges loMnumzana Brain Muchemwa.
Intathelizindaba yethu u Mark Peter Nthambe usethulela lolu daba. Lokhu kuvele kumhlangano owenzelwe e harare namhlanje ojonge ukudinga indlela ezingenza ukuthi amabhizimusi aqubekele phambili esebenza kulokuvala. Umhlangano lo uqoqwe yinhlanganiso yamabhizimusi kuleli eye Zimbabwe National Chamber of Commerce njalo ungenwe yinkokheli zamabhizimusi atshiyeneyo akuleli kanye lencitshi kwezenotho ezigoqela umnumzana Andy Hodges loMnumzana Brain Muchemwa.
Intathelizindaba yethu u Mark Peter Nthambe usethulela lolu daba.Uhulumende usethathele amalayisensi abezilaha zenkomo wathi inkampani ye Cold Storage yiyo yodwa esivunyelwa ukwenza lumsebenzi. Lokhu kulandela ukuvalwa kwamabhutsha ngoba engasatholi inyama ezilaheni ngenxa yokwehliswa kwentengo yezinto nguhulumende. Umphathintambo wezokuthengiselana, Umnu. Obert Mpofu utshele umsakazo weZBH ukuthi uhulumende uthethe lelinyathelo ngoba abezilaha sebevale amabhizimusi abo ngokungafuni ukulandela umthetho omutsha.
Ekuqhubekeni kokubotshwa kwabosobhizimusi leziphathamandla zamankampani angehlisanga intengo. Amapholisa athi idolobho lakoBulawayo yilo eselilenani labosobhizimusi abephula umthetho wentengo eliphezulu ukwedlula amadolobho wonke. Asebebotshiwe sebedlula inkulungwane ezimbili.
Lamuhla kubizwe amapholisa omvukela endaweni ezinengi zelizwe ebeziphithizela abantu bethenga izinto ezimqoka empilweni ezifana lerice lempuphu lapho eziyabe zithengiswa khona ngoba sezisilela. Ingcwethi kwezemthetho, uMnu. Nicholas Mathonsi uchasisela uChris Gande westudio 7 okunengi ngomthetho omutsha wentengo, othiwa National Incomes and Prices Act osekelwa luhlelo oluthiwa ngu Operation Dzikamayi.