amalinks wokungena

Breaking News

Izinduna Labezinkonzo Bakhuthaza Ukwesulwa Kwesigwebo Sokulengiswa


Inengi lezinduna zithi uhulumende kumele akhuphe isigwebo sogodo ngoba asilunganga njalo salethwa ngaba mhlophe elizweni.

Induna zitsho lokhu emhlanganweni obuqoqwe yinhlanganiso ye Zimbabwe Association of Crime Rehabilitation Organisation izolo eHarare, layo engavumelani lokuthi abantu bagwetshelwe ugodo. Induna zithi isigwebo sokufela ejele yiso esingcono kulesogodo, kuthi imuli efelweyo iphinde ihlawulwe ngenkomo yimuli kambulali ukwenzela ukuthi ingangenelwa yi ngozi.

EleZimbabwe lifeza isigwebo sogodo ngokulengisa umuntu ngentambo, njalo amanye amazwe lenkolelo ezitshiyeneyo zisebenzisa indlela ezitshiyeneyo ezigoqela imibhobho, ijekiseni ebulalayo, ukuquma umuntu ikhanda ngomhedla, kumbe ukumgongoda ngamatshe. Umkhokheli wekhansili yezinduna u Chief Fortune Charumbira ugcizelele ukuthi akulamhlobo wabantu elizweni owake wasebenzisa isigwebo sogodo endulo.

USithandekile Mhlanga weStudio 7 ukhulume lo Pastor Raymond motsi ukuthi sizwe ukuthi amabandla ezinkonzo wona athini ngaloludaba. Kunjalo nje, uMnumzana Kossam Ncube oligqwetha, uchasisele usithandekile mhlanga weStudio 7 imbangela yalesisigwebo lokuphathwa ko gwetshiweyo entolongweni kuze kufike ilanga lakhe lokulengiswa.

Ezinye izindaba zeStudio 7 …

XS
SM
MD
LG