Ibandla le South African Communist Party iSAPC kwele South Africa, lilomhlangano omkhulu osaqhubeka lapho udaba lwengxabangxoza eseZimbabwe osoluke lwathintwa khona.
Unobhala jikelele walelibandla, uMnu. Blade Nzimande kanye lomunye wakhe we COSATU, u Zwelinzima Vavi, babikwa bechothoze eleZimbabwe kulumhlangano besithi kufanele ingxabangxoza eselizweni ilungiswe, ikakhulu ngumongameli Thabo Mbeki walelolizwe, njengokwanqunywa yi SADC.
Icele le MDC elikhokhelwa nguMnu. Arthur Mutambara linxusiwe kulo umhlangano njalo limelwe ngumsekeli kanobhala jikelele walelibandla uNkosikazi Priscilla Musihairmabwi Mushonga lobona ngokuqhutshwa kokhetho uMnu. Paul Themba Nyathi.
UMusihairambwi -Mushonga, uthi ukunxuswa kwebandla lakhe kulumhlangano kutshengisa ukuthi banengi abantu abaphitsheke ngokuthi udaba lweZimbabwe lulungiswe.