Uhulumende weMelika useyethule umbiko othi uzancedisa eleZimbabwe ngokudla njalo wachothoza uhulumende weZimbabwe ngokubangela ukuwa komnotho welizwe lokunyathezela amalungelo oluntu.
Umbiko lo uthinte ukuqhubeka kokuhlukuluzwa kwamalunga lenkokheli yamabandla aphikisayo njalo uthi lokhu kwenza ukungenela kwenhlanganiso ye SADC kudaba lweZimbabwe kungasaqiniseki. EleMelika lithi lizancedisa abantu abaphose befike isigidi esisodwa lengxenye yaso ngokudla abazakuthola kunhlanganiso ye World Food Programme le Consortium for Southern Africa Food Security Emergency.
Kunjalo nje, inhlanganiso yomanyano wamazwe omhlaba, i United Nations layo yethule umbiko othi kulendlala esabekayo elizweni, ikakhulu ezigabeni ezomileyo. Istudio 7 ixoxe lomsekeli kamqonsisi wenhlangnaiso ye Christian Care, uMnu. Mnyika Musiyazviriyo, ukuthi sizwe imbono yakhe ngaloludaba.