amalinks wokungena

Breaking News

Inhlanganiso Ezimbalwa Zibumba Umanyano Wokusekela U Archbishop Pius Ncube


Laloba uzulu we Zimbabwe ethuswe kakhulu ludaba lokuthi u Archbishop Pius Ncube ubethandana lonkosikazi womuntu, labanye abambalwa, okwethulwa kumaphephandaba lemisakazo kahulumende, abanye ngabamsolayo ngesenzo lesi kodwa abanye ngabathi le yimisebenzi yebandla le ZANU PF yokumgcona nje kuphela, ngoba engumuntu ohlezi echothoza lelibandla loMongameli walo uMnumzana Robert Mugabe.

U Brenda Moyo we Studio 7 ukhulume loMnumzana Gibson Sibanda umsekeli kamongameli welinye icele le MDC, elikhokhokhelwa nguMnumzana Arthur Mutambara, ochasisa usekelo abantu besigaba semandebeleni abalupha uNcube.

UMugabe ucothoze uArchbishop Pius Ncube umkhokheli weRoma koBulawayo esithi wakhetha ukungathathi kodwa sethathela abanye abafazi. UMugabe, obekhuluma elokuthaba ngemva kokwetheswa icala kukancube elokuthandana lonkosikazi Rosemary Ncube otshadielyo, uMugabe uthe uzathandazela uNcube owazakala ngokucothoza umbuso kaMongameli Mugabe. UChris Gande weStudio 7 uxoxe lengcwethi yezombusazwe njalo engumkhokheli weZapu FP, uMnumzana Paul Siwela, ukuze sizwe imbono yakhe.

Amagqwetha amela okhokhela isonto yeroma kobulawayo, uarchbishop pius ncube aselobe incwadi abahlei bomsakazo wezbc tv lephephandaba lechronicle ukuthi batshiye ukukhipha imfanekiso abathi nguncube esecansini labafazi. Omunye ubaba wakobulawayo, umnumzana onesimus sibanda wethesa uncube icala lokuthandana lomkakhe.

Amagqwetha kancube athi nxa amaphephandaba la engalaleli siscelo sabo bazaya emthethwandaba kusasa becele isingqumo sokuvimba ukutshengiswa kwemfanekiso le engakhanyi sobala ukuthi nguncube na kumbe hatshi okuwo. Izbc yona ikhanya ingalalelanga isicelo samagqwetha la ngoba ikhuphe limfanekiso kundaba zayo zakusihlwa. Imizamo yokukhuluma labahleli abaphiwe lezincwadi yehlule.

Kunjalo nje, inkokheli yesonto yeroma ibilomhlangano lamuhla eharare lapho engqume khona ukuthi udaba luka archbishop ncube alusoze luxazululwe umthethwandaba ungakalithonisi. Omunye wamagwetha ka archbishop ncube, umnumzana nicholas mathonsi uchasisele uchris gande westudio seven ukuthi loludaba lumi njani lamuhlanje.

Ezinye Indaba ZeStudio7..

XS
SM
MD
LG