amalinks wokungena

Breaking News

Ingcwethi Kwezokulima Zithi Uhulumende Kumele Emukele Uncedo Lokudla Oluvela KweleMelika


Ingcwethi kwezokulima zithi uhulumende weZimbabwe ulenhloni zokwamukela uncedo lokudla oluvela kweleMelika, ngoba ehlezi esithi uhulumende weMelika wethesa ele Zimbabwe izijeziso zenotho. Ingcwethi zithi akukho okunye ele Zimbabwe elingakwenza ngaphandle kokwamukela ukudla lokhu ngoba lingekela abantu elizweni, balakho ukubulawa yindlala.

Umbiko owethulwe izolo ngumphathintambo obona ngokwethulwa kwemibiko uMnumzana Sikhanyiso Ndlovu uthi eleZimbabwe lizakwamukela lokhu kudla ngoba yindlela eleMelika elitshengisa ukuba lenhloni kumbe ukuyangeka ngokusekela abamabandla aphikisayo. Kuyonale iviki eleMelika lithembise ukupha eleZimbabwe umumbu oyisilinganiso esedlula ama tonne angu forty seven thousand.

Kodwa uMnumzana Edward Mkhosi olilunga le khomidi yedale lepalamende ebona ngezomhlaba lezokulima, emela isigaba se Mangwe edaleni leli, uthi ukudla okuvela kwele Melika kuzaphathisa kakhulu ekuqedeni indlala elizweni nxa uhulumende engasoze afake imigoqo ethize kikho.

Ezinye Indaba ZeStudio7..

XS
SM
MD
LG