UQhubekani Ncube odabuka eNkayi enyakatho yeMandebeleni uphakathi kokulonda amanyathelo enengi labaculi beKwaito kwele South Africa, kukanti okwamanje usesemaphethelweni okuhwatsha owakhe umswahla wedlalade leKwaito.
OkaNcube oleminyaka engamatshumi amabili lantathu, othi nxa esetshaya ijika majika aziwe ngelithi 'Nkust', uthi idlalade lakhe leli aliqale ngoZibandlela selilengoma ezine kukanti kungenzeka ukuthi ngenye yamaKhisimusi uzulu azithole eseginqe shishi ngale iKwaito.
UNcube uthi okwamanje ubheke esiqongweni okokuthi ufisa ukuba ngomunye wabesatshwayo kwezeKwaito okubalisa oZola 7 lezinye iziqhwaga zalo umculo.