amalinks wokungena

Breaking News

I Amnesty International Ithi I SADC Kumele Ikhuze Umongameli Robert Mugabe


Inhlanganiso ebona ngelungelo loluntu emhlabeni jikellele eye Amnesty International, namhlanje yethule ugwalo oluveza ukuthi amakhosikazi eZimbawe akwezombangazwe ayahlukuluzwa kakhulu ezandleni zabomthetho, yakhuthaza inhlanganiso ye SADC ukuthi ikhuze uMongameli Robert Mugabe ukuthi ekele ukuqhubeka esephula ilungelo loluntu. Ugwalo lolu lulesihloko esithi Zimbabwe, Between a rock and a hard place, kumbe ngesintu ukuba phakathi kwembokodo lelitshe. Kwele Zimbabwe abesifazane abakuma bandla aphikisayo lakunhlanganiso ezilwela umbuso okhululekileyo, ezifana le WOZA baphakathi kokubotshwa behlukuluzwa ngamapholisa, abanye bephoselwa ezintilongweni bebelethe insane zabo emihlane.

U Brenda Moyo weStudio 7 ukhulume lomunye owesifazane oke wahlukuluzwa ngamapholisa walimala kakhulu, uNkosazana Thabitha Khumalo, ongumsekeli wesikhulumi secele le MDC elikhokhelwa nguMnumzana Morgan Tsvangirai, othi umbiko we Amnesty International upha inhlanganiso ezilwela amalungelo abesifazane intshukuntshu yokuqhubeka zilimukisa uzulu weZimbabwe ngelungelo lakhe.

Ezinye Indaba Ze Studio 7..

XS
SM
MD
LG