amalinks wokungena

Breaking News

Kambe UMongameli Robert Mugabe Engalalela Na Ukukhuzwa Ngabafana LoMandela


Kulemibiko ephume ngeviki edluleyo ethi sokubunjwe umanyano othiwa The Elders ngesingisi, ozacubungula indubeko ezibhekane lamazwe omhlaba. Amalunga omanyano lo ngowake waba nguMongameli weleMelika u President Jimmy Carter, owabusa i South Africa uMnumzana Nelson Mandela, owabusa i Ireland uNkosikazi Mary Robinson, owayengunobhala jikelele wenhlanganiso ye United Nations uMnumzana Kofi Annan lo Archbishop Desmond Tutu. Okwakhathesi akucacisisi ukuthi injongo sibi sibili yalumanyano ingeyani.

Lumanyano ubunjwa ngesikhathi inengi selibona angani inkulumo zokukhumisana umlotha phakathi kwamacele omabili e MDC lelibusayo ele ZANU PF, eziqoqwa nguMongameli Thabo Mbeki wele South Africa, azitshengisi ingqubela phambili. Ingcwethi ezicubungula ezombusazwe zisithi i bandla le ZANU PF likhanya lingelanjongo yokuthi lezinkulumo ziphumelele, ukuze elizweni kwenziwe ukhetho olukhululekileyo phansi kwesisekelo sombuso esitsha.

Umnumzana Zenzo Nkomo olilunga le Communist Party ye South Africa utshele u Brenda Moyo we studio 7 ukuthi laloba sokukhanya sobala ukuthi imizamo kaMbeki yokulungisa udubo lweZimbabwe iyehlula, ukungenela kwabantu abafana lomnumzana Mandela labanye kuloludaba, akusoze kulethe mahluko.

Ezinye Indada ZeStudio7..

XS
SM
MD
LG