Isifundi sekolitshi ye University of Zimbabwe, utafirenyika magudu, sibulewe ngoLwesithathu kuviki edluleyo. Umagudu ubikwa ebehamba labangane bakhe abane ababili labo babulawe ngabantu abangaziwayo. Omunye kade ehamba lalabo ababuleweyo ubikwa esesibhedlela eHarare elamangxeba esabekayo.
Inhlanganiso yezifundi, iZINASU, ibikhuphe umbiko wokuthi abathathu laba yizifundi kodwa umkhokheli walinhanganiso, uMnumzana Promise Mkhwananzi, utshele uChris Gande weStudio 7 ukuthi ekuhluziseni loludaba bathole ukuthi umagudu nguye yedwa isifundi.