amalinks wokungena

Breaking News

UNkosazana Sekesai Makwavarara Utshiya Umsebenzi


Obengumgcinisihlalo wekomisheni yeHarare, uNkosazana Sekesai Makwavarara usetshiye umsebenzi. UMakwavarara ubemele atshiye umsebenzi ngenyanga edluleyo ngemva kokuphela kwecontract yakhe.

Ngomnyaka odluleyo umphathintambo wembuso yezabelo, uMnumzana Ignatius Chombo wengezelele isikhathi sokusebenza kukamakwavarara esithi wenze umsebenzi omuhle lekhomishini yakhe lanxa izakhamizi zeHarare zikuphika lokhu zisithi kumele axotshwe kwenziwe ukhetho.

UMakwavarara wamangalisa uzulu lapho aze angene endlini eyayekhelwe umeya wathi ufuna ukuthi ithengelwe ifenitsha ebiza amabhiliyoni angamatshumi amathathu lanhlanu amadollar, njalo wathi ufuna ukuthengelwa igrocery ebiza amabhiliyoni alikhulu lamatshumi ayisikhombisa lanhlanu amadola. Izolo uChombo utshele intathelizindaba ukuthi uMakwavarara umlobele incwadi yokuthi akasafuni umsebenzi njalo wacela ukuthi engakhethwa njalo ukuba ngumgcinisihlalo wekhomishini. Isikhundla sakhe siphiwe uMnumzana Michael Mahachi.

Kusenjalo, lanxa izizatho zokutshiya umsebenzi kukankosikazi Makwavarara ingaziwa izakhamizi zeHarare zithi lokhu yinto enhle ngoba lelidolobha belingasabuswa ngemfanelo. Isikhulumi senhlanganiso yezakhamizi zeHarare, iCombined Harare Residents’ Association, iCHRA, uMnumzana Precious Shumba utshele iStudio 7 ukuthi bona njengenhlanganiso bayathakazelela lesi senzakalo kodwa abakufuna lukhetho oluzadinga umeya lamakhansila.

UNkosikazi Makwavarara ungene kukhansili elilunga leMDC njalo engumsekeli kaMnumzana Elias Mudzuri owaba nguMayor wakuqala weMDC eHarare. Wakhethwa ukuba ngumgcinisihla wekhomishini ngemva kokuxotshwa kukaMdzuri wahle wasuka kulelobandla wangenga kubandla leZanu PF. Ilunga lecele lemdc elikhokhelwa nguMnumzana Arthur Mutambara, uMnumzana Moses Mzila Ndlovu, uphe uChris Gande weStudio 7 imbono yakhe ngokutshiya umesbenzi kukamakwavarara.

Ezinye izindaba zeStudio 7 …

XS
SM
MD
LG