amalinks wokungena

Breaking News

Abalimi Abamhlophe Baxotshwa Emapulazini Abo


Abalimi abamhlophe abasala belokhu belima emapulazini abo sebedlela evalweni ngemva kokuba uhulumende esithi kumele basuke ngoba bengekela lokhu bazabotshwa.

Umphathintambo wezokwabiwa kutsha komhlaba, uMnumzana Didymus Mutasa utshele iStudio 7 ukuthi uhulumende vele kasoze abuyele muva ngodaba lolu ngoba sekulomthetho owethulwayo opha amandla uhulumende ukuthi enze lokhu. Lokhu kumangalise abanengi ngoba usibalukhulu webhanga elikhulu, iReserve, uMnumzana Gideon Gono, wahlala phansi lenkokheli yabalimi laba abedlula amakhulu ayisithupha wavumelana labo ukuthi baqhubeke ngomsebenzi wabo wabapha lesikwelede sokuthi balime ingqoloyi.

Okunye osekumgceke yikuthi sonke isikhathi nxa sekuzavunwa abalimi abamhlophe bayathathelwa isivuno sabo ngabantu abayabe bethunywe nguhulumende. UChris Gande weStudio 7 uxoxe lengcwethi ecubungula ezokulima, uMnumzana Jonah Nkabinde ukuze sizwe imbono yakhe.

Ezinye izindaba zeStudio 7 …

XS
SM
MD
LG