amalinks wokungena

Breaking News

Uzulu Ubhekana Lohlupho Lokuswela Okokuhambisa


Udubo lokusilela kwamabhasi lezimota zokuhambisa lubikwa luqhubeka lumemetheka elizweni ngenxa yokusilela kwamafutha ezimota lemithetho esifakelwe abatshayeli ngamapholisa labe Vehicle Inspection Department eyenza kubenzima ukuthwala abantu. Inengi eliya emisebenzini emadolobheni selihamba ngenyawo. Ilizwe likhangelane lekhefu lokuthakazelela amaqhawe kubikwa kungelamabhasi aya endaweni ezehlukeneyo zelizwe.

Abantu sebeqede insuku ezimbalwa belala ezilindweni ezigoqela e Renkini ko Bulawayo, Kudzanayi Bus Terminus e Gweru, eMbare Musika e Harare le Musika Wehuku eMutare bemelele amabhasi okuthi bethekelele izihlobo labangani ngalelikhefu. Ingcwethi ezicubungula ezomnotho welizwe zithi uhulumende uphambanisile ngokwehlisa intengo yezinto, leyokuhambisa kodwa engehlisanga intengo yamafutha ezimota wona angasatholakaliyo okuphinde kwengezwa ngokuthi inkampani ye NOCZIM ibe yiyoyodwa evunyelwa ukuletha amafutha ezimota elizweni.

I studio 7 ikhulume loMnumzana Mxolisi Sibanda isakhamuzi sePumula North esebenza enzikini yedolobho lako Bulawayo, othi inengi selizihambela ngenyawo ukuya emsebenzini lokuphindela emakhaya. U Sibanda uthi laloba ubekhangelele ukuyabona izihlobo zakhe emaphandleni ngekhefu lamaqhawe lanxa engenelisa ukuhamba kaboni esenelisa ukuphenduka.

Ezinye Indaba ZeStudio7..

XS
SM
MD
LG