Inhlanganiso yeCrisis in Zimbabwe Coalittion ithi ithole imbiko yokuthi abasekeli beZanu PF babonakale bebuthene esilindweni samabhasi eRoadport eHarare besiya eZambia. Isiphathamandla salinhlanganiso esingafunanga ukuqanjwa ngegama ngoba besahlolisisa loludaba ithi abasekeli laba babonakale begqoke izikipa zeZanu PF njalo bebekhuluma ukuthi baya ezambia emhlanganweni womanyano wamazwe ezansi leAfrica, iSadc oseZambia sikhuluma nje.
UMongameli Thabo Mbeki weSouth Africa ukhangelwe ukwethula akutholayo kunkulumo zokucazulula udaba lweZimbabwe ezinziwa ngamaqula amacele eMDC womabili kunye leZanu PF emhlanganweni wesadc kuviki ezayo lapho okuzahlangana khona inkokheli zamazwe eSadc.
Lanxa umhlangano weSadc ungowenkokheli leziphathamandla kuphela kubikwa kulezinye inhlanganiso ezibuthene phandle okwenizwa lumhlangano ezigoqela iMDC lezinye inhlanganiso ezizimeleyo. Isiphathamandla secele leMDCc elikhokhelwa nguMnumzana Morgan Tsvangirai, uMnumzana Felix Mafa, oyingcwehti njalo ecubungula ezombusazwe uphe uChris Gande weStudio 7 imbono yakhe ngaloludaba.