Laloba ngeviki edluleyo bekulemibiko kumaphephandaba kahulumende yokuthi uManisipala wedolobho lako Bulawayo usevumile ukuthi i Zimbabwe National Water Authority i ZINWA ithathe uhlelo lokuqhutshwa kwamanzi kulelidolobho, u Mayor Japhet Ndabeni Ncube uyakulandula lokhu. U Ncube uthi uManisipala wako Bulawayo esekelwa yizakhamuzi, labanini bhizimusi, bakubeke egcekeni kuhulumende ukuthi abafuni i ZINWA ithathe lo umsebenzi, esithi kodwa kusobala ukuthi izawuthatha ngoba uhulumende esebeke umthetho otshonjalo.