amalinks wokungena

Breaking News

Umhlangano weSADC Utshiya Inengi Lidanile


Umanyano wamazwe ezansi lezwekazi yeAFRICA, iSADC, uphelile lamuhla esigodlweni seZambia, iLusaka. Udaba obelukhangelelwe ngabomvu ludaba lweZimbabwe olubikwa luhlafunwe izolo yinkokheli yamazwe enhlanganiso le.

Kodwa lamuhla linkokheli ichithekile kungaziswanga uzulu ukuthi ngemva kokwethulwa kwembiko kamongameli Thabo Mbeki owakhethwa yilinhlanganiso ukuba ngumlamlankunzi kudaba lweZimbabwe yiwaphi amanyathelo azathathwa.

Abazi ngokade kusenzakala bathi iZimbabwe ibizama ukucela uncedo lwemali yokuthenga amafutha lokubhadala isikwelede samandla kagatsi kodwa kayiphiwanga limali. Kubikwa njalo kuvunyelwane ukuthi kuzasungulwa ivuyo lamazwe avela kumazwe eSADC.

Inhlanganiso ezizimeleyo lamabandla aphikisayo aphume kulumhlangano edanile ngoba bebecabangela ukuthi umongameli Mugabe uzakhuzwa yinkokheli yalinhlanganiso ikakhulu ngemva kokwethulwa kwembiko kaMbeki.

UNkosazana Thokozani Khuphe umsekeli kaMnu. Morgan Tsvangirai, umkhokheli wecele leMDC utshele uChris Gande westudio seven ukuthi okunengi ngokugqitshwa kwalumhlangano.

Kunjalo-nje, iInhlanganiso ezizimeleyo eziseZambia lapho obekulomhlangano weSADC wona ophele lamuhla zithi kulokwethuselwa okukhulu okwenziwa ngamapholisa aweZambia asebenza nsitha esebenzelana ndawonye laweZimbabwe awe CIO.

Lobanje abanengi abama NGOs eZimbabwe bebuyelile elizweni lamuhla abaseleyo bathi amapholisa ababheke ngelikahelwane ilihlo njalo ayabethusela. Igqwetha elilodumo uMnu. Arnold Tsunga utshele uNtungamili Nkomo owestudio 7 ngokwenzakalayo.

Untungamili Nkomo uphinde waxoxa njalo lengcwethi kwezombusazwe uMnu. Qhubani Moyo ngezifiso zabantu beZimbabwe ngomhlagano weSADC.

UMoyo uthi abantu beZimbabwe bafuna lumanyano ubambe uMugabe ngamandla ukuthi aguqule izenzo zakhe ezimbi.

Ezinye indaba ze studio 7...

XS
SM
MD
LG