Umeya wakoBulawayo uMnu Japhet Ndabeni-Ncube uthi kakholwa ukuthi imbiko ekhitshwe liphephandaba leChronicle lamuhla ethi umphathintambo obona ngezamanzi umnu Munacho Mutezvo uthi uhulumende kasoze ancedise umanisipala wakhe ukulungisisa udaba lwamanzi koBulawayo nxa elokhe esala ukunikeza umsebenzi wamanzi kuzinwa iliqiniso.
UNdabeni Ncube uthi nxa kuyikuthi liqiniso, umanisipala wakhe kalandaba lakho lokhu njalo kasoze avume ukunikeza iZinwa lumsebenzi, uzakwala esiwa evuka ezama ukulungisisa uhlupho lwamanzi osolufike esibangeni esibi koBulawayo.
U Ndabeni-Ncube uthi uhulumende kumele ekele ukudlala amadlwane labantu ancedise uBulawayo ukuthola amanzi.
Kunjalonje umnu Arnold Payne, ongumkhankasi omkhulu ezizameni yokuletha amanzi avela eZambezi koBulawayo yena uthi imbiko kaMutezvo ayimangalisi ngoba uhulumende wakhe ezonda lesisabelo ngoba sihlezi sivotela ibandla eliphikisayo kukhetho.