amalinks wokungena

Breaking News

Inkampani Elungisa Umvundiso Wama Fertiliser Ima Ukuqhuba Umsebenzi


Inkampani enkulu elungisa umvundiso wama fertiliser eye Zimbabwe Phosphate Company –ZIMPHOS isimise umsebenzi, ngenxa yokusilela kwezinto zokulungisa ama fertiliser, lodaba lokucitsha kwamagetsi. I ZIMPHOS isilenyanga ivalile ngoba amanye amankampani amabili ebithola khona izinto zokulungisa ama fertliser i Dorowa Minerals le Iron Duke Mine lazo sezivalile ngenxa yodaba lokusilela kwamagetsi lokwehluleka ukuthenga imitshina yokwemba, lokunye okufunakalayo emsebenzini wokwemba. Ingcwethi kwezokulima zithi ukuvalwa kwe ZIMPHOS kutsho ukuthi ama fertiliser azasilela kakhulu lonyaka okungenza isivuno sibe phansi njalo ilizwe lihlaselwe yindlala embi.

U Brenda Moyo we Studio 7 ukhulume loMnumzana Edward Mkhosi, ummeli wesigaba seMangwe edaleni lepalamende elilunga lekhomidi ebona ngezomhlaba lokulima edaleni leli, othi amankampani afana le ZIMPHOS asekuthola kunzima ukuqhubeka ngomsebenzi ngoba kungela zinto zokusebenzisa njalo uhulumende esehlise intengo yezinto okwenza angatholi inzuzo.

Ezinye Indaba ZeStudio7..

XS
SM
MD
LG