amalinks wokungena

Breaking News

Abasekeli Bebandla Le ZANU PF Baqoqa Ukufola Ezitaladeni Zedolobho Le Harare Besekela U Mugabe


Inhlanganiso yabalwa impi yenkululeko i Zimbabwe National Liberation War Veterans Association ithi amalunga ayo labanye abasekeli bebandla le ZANU PF, bazafola kusasa ezitaladeni zedolobho le Harare betshengisela ukuthakazelela umbuso kaMongameli Robert Mugabe, lokumbonga ngakhokonke akwenzele ilizwe le Zimbabwe, laloba inengi libhekane lobunzima obukhulu bokusilela kokudla ezitolo, lezinye indubeko ezimbalwa. Kusukela ngesonto inhlanganiso le ibifaka imibiko kumaphephandaba inxusa wonke umuntu ongathanda ukumanyana layo ekufoleni kwakusasa.

Kodwa umgcinisihlalo weyinye inhlanganiso yabalwa impi yenkululeko, i Zimbabwe Liberators Platform Peace Initiative, uMnumzana Max Mnkandla uthi ukufola kwakusasa lokhu ngamadlwane nje kuphela.

Kunjalo nje ingcwethi ecubungula ezombusazwe, uMnumzana Dumisani Nkomo, utshele u Brenda Moyo we Studio 7 ukuthi kuliqiniso ukuthi uMongameli Mugabe ulabantu abanengi abamsekelayo, ekhuthaza inhlanganiso ezilwela umbuso okhululekileyo elizweni kumele zizinikele ukulimukisa uzulu weZimbabwe, ikakhulu owemaphandleni ngembangela yodubo oluselizweni.

Ezinye Indaba ZeStudio7..

XS
SM
MD
LG