amalinks wokungena

Breaking News

Kuvulwa Inkamba Yababuyiselwa Ekhaya Becaphele KweleBotswana Okungekho Emthethweni


Inhlanganiso ebona ngokuchapha imingcele kwabantu emhlabeni wonke jikelele i International Organisation of Migration ithi izaqalisa ukuvula inkamba lapho okuzakuba kufikela izizalwane zeZimbabwe ePlumtree eziyabe zibotshwe kweleBotswana ngoba zihambe okungekho emthethweni.

Linkamba izafanana nje laleyo esebeitbridge eyale inhlanganiso njalo. Isikhulumi se IOM eHarare uNkosikazi Erin Foster utshele iStudio 7 ukuthi linkamba izaqala ukusebenza ekupheleni komnyaka. Uthi bathethe lelinyathela ngemva kokuba becelwe nguhulumende weZimbabwe ukuthi bakhe linkamba eyokwamukela izibotshwa zeZimbabwe eziyabe zisuswe kweleBotswana.

Kumnyaka odluleyo ibotswana ixotshe izizalwane zeZimbabwe ezingu 38 000 ebezikulelolizwe ngaphandle komthetho okuthiwa ngama illegal immigrants ngesingisi. I South Africa yona sixotshe abantu abayi 17 000 lokhe umnyaka uqalileyo. Untungamili Nkomo weStudio 7 ubelengxoxo lengcwethi eqhuba izifundo ze Forced Migration ekolitshini ye vits uMnu Mlamuli Nkomo othi inyathela likahulumende elokucela i iom ukuthi ivule enye inkamba yesibili liveza sobala ukuthi ngempela sekuvuma ukuthi izizalwane zeZimbabwe sezisabalele njengamatshiyane akhuthwe lukhozi zayagchwala kwamanye amaze okungekho emthethweni.

Ezinye izindaba zeStudio 7 ...

XS
SM
MD
LG