amalinks wokungena

Breaking News

Umphathintambo Wezenotho Wethula Ibudget Ekhweza Imithelo


Umphathintambo wezemali, uMnumzana Samuel Mumbengegwi lamuhla wethule edaleni lephalamende uluhlu lwemali ezasetshenziswa zingatsha zikahulumende kunyanga ezintathu ezilandelayo, ezibiza i$37 trillion.

Ingcwethi zenotho lozulu bebekhangelele okunengi kuluhlu lolu kodwa ngaphandle kokwengezela imali ezathathelwa umthelo wetax wezisebenzi kukhanya kungela okunengi okumenyethwe yimbiko kambengegwi okuthabise uzulu.

UMbengegwi uvumile ukuthi inhlelo zokudinga imali yokusetsenziswa nguhulumende zibe liphutha kodwa wathi lokhu kubangelwe yizijeziso zenotho ezethulelwa iZimbabwe ngamazwe awe European Union. Ufake imthelo embalwa athi yiyo ezalethela uhulumende imali efana leyabalimi abaphiwa amapulazi phansi kohlelo lokwaba kutsha umhlabathi labezimota zokufundela ukutshayela bazahlawula umthelo kusiya ngokuthi balemota ezingaki njalo bahlawulisa malini.

UMbengegwi wenze okucatshangelwa ukuthi yiko okwaxotshisa owayengumphathintambo wezemali, uMnumzana Simba Makoni, ukwehlisa isisindo semali yeZimbabwe nxa ilinganiswa leyekwamanye amazwe. Asimuzweni uMbengegwi ekhuluma edaleni lephalamende: Silokhu sikudaba lwebudget, ingcwethi ezicubungula ezenotho zisole uluhlu lolu zisithi zitshengisa mhlophe ukuthi uhulumende usehlulekile ukulungisisa umnotho welizwe. UMnumzana Paul Siwela okhokhela njalo ibandla leZAPF FP uphe uChris Gande weStudio 7 imbono yakhe ngaloludaba.

Ezinye izindaba zeStudio 7 …

XS
SM
MD
LG