amalinks wokungena

Breaking News

Ingcwethi Kwezombusazwe Zisola Ukuqhutshwa Kwenkulumo Zokukhumisana Umlotha Ensitha


Laloba inkulumo zokukhumisana umlotha phakathi kwamacele omabili e MDC lebandla elibusayo ele ZANU PF ezikhokhelwa nguMongameli Thabo Mbeki we South Africa, zisenziwa nsitha, okukhulunywayo kungaziswa uzulu, abasiki bebunda bathi inkulumo lezi ziqhubeka kuhle njalo sokukhona okumbalwa osokuvunyelenwe.

Okunye okuthiwa kuvunyelwene emhlanganweni owenziwe ekuqaleni kwayonale inyanga, yikuthi amalunga wonke edale lePalamende sokumele avotelwe hatshi obekusenzakala eminyakeni edluleyo ukuthi abalitshumi banikwa nje izikhundla nguMongameli Robert Mugabe. Phansi kwenguquko ezalethwa ngumthetho we Ammendment number 18 inani lamalunga edale lePalamende lizakwengezelelwa lisuka ku khulu elilodwa lamatshumi amahlanu 150- lisiya ku makhulu amabili letshumi- 210. Kuthiwa kuvunyelwene njalo ukuthi kwengezelelwe inani lamalunga edale le Senate. Kodwa uMongameli Robert Mugabe uzaqhubeka ekhetha oSibalukhulu bezigaba abalitshumi leziNduna ezilitshumi.

Kodwa ingcwethi ezicubungula ezombusazwe zisola ukuqhutshwa kwenkulumo lezi nsitha, lalokhu okuthiwa kuvunyelwene zisithi lokhu yikupha ibandla le ZANU PF ithuba elikhulu lokuqilibezela kukhetho. U Brenda Moyo weStudio 7 ukhulume leyinye yalezingcwethi uMnumzana Gorden Moyo umqondisi we Bulawayo Agenda opha umbono wakhe ngokuqhubeka kwalezinkulumo.

Ezinye Indaba ZeStudio7..

XS
SM
MD
LG