Umanyano we Churches in Bulawayo uthi lamuhla uqalisile umsebenzi wokubeka amatanka amanzi ezinkonzweni zawo emalokitshini atshiyeneyo edolobheni lako Bulawayo.
Lokhu kwenzakala uhlupho lwamanzi lulokhu lusidla ubhedu njalo amanzi la akhangelelwe ukunceda izakhamizi ezakhelene lenkonzo lezi. Ugatsha lwe UNICEF olukunhlanganiso yomanyano wamazwe omhlaba, olwe United Nations lubikwa lokhu lungakafezi isithembiso sokuthi luzancedisa ngamanzi ezikolo.
Umsekeli kamgcinisihlalo we Churches in Bulawayo njalo engumgcinisihlalo wekomiti ebona ngamanzi kulumanyano, umfundisi Promise Manceda utshele uSithandekile Mhlanga we studio 7 ukuthi amatanka la, azedlula amatshumi amabili, azaqala akhelwe kusasa, andubana agcwaliswe ngamanzi, asebenze.