Osanda kukhethwa ukuba ngumabhalane omkhulu wedolobho lako Bulawayo, uTown Clerk, u Mnu. Stanley Donga uthi uhlupho okumele alulungise ngolokuswelakala kwamanzi kanye lezisebenzi ezilobuciko ekhansilini le.
UDonga, obekade engumsekeli kamgciningcebo edolobheni leli, uqalise umsebenzi lo kumaviki amabili edluleyo. Owayephethe lesisikhundla, uMnu. Moffat Ndlovu, utshiye ekupheleni kukaMabasa kuwonalo umnyaka njalo besibanjwe nguMnu. Gilbert Dube ongu Chamber Secretary.
Ekhuluma okokuqala le studio 7, uDonga, oleminyaka engu 53, uqale ngokutsho ukuthi yena uvele ungubani njalo udabuka ngaphi, andubana atsho ukuthi inhlupho zalelidolobho zingalungiswa njani.