amalinks wokungena

Breaking News

Imali Esifunwa Yimuli Ukuze Yenelise Ukuthenga Into Ezimqoka Siqonge Okumangalisayo


Inhlanganiso ebona ngamalungelo abathengi i Consumer Council of Zimbabwe (CCZ) ithi sokudingakala izigidi ezedlula ezilitshumi lasithupha zamadollar-Z$16,7m ukuphilisa imuli elabantu abayisithupha ngenyanga.

Ithi okwenze limali yakhwela yikuqonga kwentengo yetshukela kanye lembadalo yabotshova. Ingchwethi ecubungula ezombusazwe kanye lezomnotho njalo ebalisa ekolitshini ye Hillside Teachers College koBulawayo uMnu Mandlenkosi Gatsheni uthi into ziqhubeka zisibamanzonzo kuzulu weZimbabwe ngoba into ezimqoka ezifana lempuphu zitholakala kuphela emkambo wensitha njalo zithengiswa ngentengo ephezulu kakhulu.

Kusenjalo ukuswelakala kwenyama edolobheni laKobulawayo kuqhubekela phambili loba nje uhulumende ethe lumumo usuza guquka, kukanti ke kuphuma imbiko yokuthi inyama yonke engenayo ithathwa libandla elibusayo iZanu PF, ibutho leZimbabwe National Army, amapholisa kanye logatsha olukhangele ngokugcinwa kwamajele.

Ezinye Indaba ZeStudio 7...

XS
SM
MD
LG