amalinks wokungena

Breaking News

IBhilithane Ixotshela Esinye Njalo Isizalwane seZimbabwe eMalawi


Ele Bhilithane libikwa lokhu liqhubeka lixotshela izizalwane zeZimbabwe emazweni ezathatha khona amapassport ezangena ngawo kulelolizwe, ngemva kokuzincitshwa isimo sobuphepheli.

UMnu. Amos Chifamba, isiphathamandla secele le MDC elikhokhelwa nguMnu. Morgan Tsvangirai kugatsha lwabatsha, ubikwa esazisiwe ukuthi uzabuyiselwa eMalawi ngempelansonto ezayo, ngoba wangena ngepassport yalelolizwe, njalo usethathelwe itikiti le ndizamtshina i Kenya Airways, azaphindela ngayo.

Isiphathamandla salelibandla, uMnu. Julius Sayi Dewa, utshele uSithandekile Mhlanga we studio 7 ukuthi iziphathamandla ze bhilithane azikholwa ukuthi izizalwane ze Zimbabwe eziqotho zingathola enye ipassport ngokuqilibezela kwelinye ilizwe elingasilo le South Africa, ngakho ibandla lakhe lizalwisa ngamandla alo wonke ukuveza mgceke ukuthi yikho lokhu okwenzakalayo ukwenzela ukuthi u Chifamba engaxotshwa.

Ezinye indaba ze studio 7…

XS
SM
MD
LG