Inhloko kahulumende yelebhilithani uMnu Gordon Brown sephinde waqonqosela njalo ukuthi vele yena kanye leziphathamandla zikahulumende wakhe kabasoze baye emhlanganweni we EU-Africa summit owenzelwa kwele Portugal nxa umongameli Robert Mugabe enxusiwe.
Kodwa esinye isiphathamandla sePortugal esikhulume laso esingathandanga ukuvezwa sithe lumhlangano uzaqhubeka njalo kabasoze bekele ukunxusa uMugabe ngoba uBrown engafuni ukuthi anxuswe. Lokhu kuza ngasikhathi sinye amazwe awe Africa lawo esithi uMugabe angekela ukunxuswa lawo akayi.
Sibelengxoxo lengcwethi kwezombusazwe eqhuba izifundo zePublic Policy eWits University kwele South Africa uMnu Qhubani Moyo othi yena uBrown uyaphambanisa ngalokhu ngoba sesenza ingani udaba lokuxabana kwebhilithani leZimbabwe ludaba olumele lungenelwe ngamazwe onke.