amalinks wokungena

Breaking News

Kubotshwa Amalunga eWoza eHarare


Kubotshwe amalunga eWoza edlula angamatshumi ayisikhombisa eHarare lamuhla ekade etshengisela phezu kodaba lokwephulwa kwamalungelo oluntu ikakhulu awesifazane nguhulumende esebenzesa amapholisa.

Amalunga la ebethwele ugwalo oluqoqwe yilinhlanganiso olwethulwe eSouth Africa kuviki edluleyo olokwephulwa kwamalungelo abesifazane lokuhlukuluzwa kwamalunga eWoza ngamapholisa. Unkosazana Magodonga Mahlangu oyisiphathamandla salinhlanganiso uthi unkosikazi jJenny Williams ngomunye wababotshiweyo.

UMahlangu uthi abantu laba bebethwele lolugwalo ngenjongo yokuyalwethulela amalunga edale lephalamende. Uthi babotshwe bengakakwenzi lokhu kodwa besebenike abantu abanengi ingwandlana zenhlanganiso yabo.

Amagqhwetha alinhlanganiso alelwe ukubona ababotshiweyo laba njalo ekade befuna ukubapha ukudla balelwe, kutsho uMahlangu, oqhubekele phambili esithi lokuthi bangaphi ababotshiweyo laba, akwaziwa.

Ezinye Indaba ZeStudio 7...

XS
SM
MD
LG