Icele le MDC elikhokhelwa nguMnu. Morgan Tsvangirai belilomhlangano lentathelizindaba e Harare lamuhla ekuseni lapho eligcizelele khona ukuthi ukuhlukuluzwa kwamalunga ebandla alo nguhulumende, kungabangela ukuthi inkulumo ezilawulwa ngumongameli Thabo Mbeki wele South Africa zingaphumeleli.
Iziphathamandla zaleli cele ezikhulume kulo umhlangano ziveze uchuku amapholisa aphatha ngalo amalunga alo lemizamo eziyenzayo eyokunqabela lokhu.
USithandekile Mhlanga we studio 7 uxoxe lesiphathamandla saleli cele uMnu. Sam Siphepha Nkomo ukuze sizwe okunengi okuphume kulumhlangano.