Icele le MDC elikhokhelwa nguMnumzana Arthur Mutambara lithi selisungule uhlelo lokudinga imali yokuqhuba inhlelo eziphathelane lokhetho, oluthiwa “Stepping Out.” Phansi kohlelo lolu abasekeli balelibandla bazathengiselwa amakhadi alemihlobo emithathu ethi Platinum, Gold le Silver. Imihlobo emithathu le ilembadalo eyehlukeneyo njalo azakupha abawathengileyo ilungelo elithile, okufana lokuthi abazathenga amakhadi e Platinum, athengwa ngemali ephezulu, bazakuba lelungelo lokuhlangana labakhokheli bebandla besipha imibono yabo lamacebo. U Brenda Moyo weStudio 7 ukhulume lonobhala wezemali kulelicele uMnumzana Fletcher Dulini Ncube ochasisa ngohlelo lwabo lolu.