amalinks wokungena

Breaking News

Bayangihlolela Abathi Ngithengisile KuZinwa: Japhet Ndabeni-Ncube


Umeya wedolobho lakoBulawayo uMnu Japhet Ndabeni-Ncube uthi imbiko yokuthi waphong’vumelana lohulumende ngodaba lokuthathwa kwengatsha zengchekeza lamanzi yiZINWA kulelidolobho ingamanga ngoba ihulumende ehluthune lezingatsha.

UNdabeni-Ncube uthi kwakungelalutho umanisipala wakhe ayengalwenza ekuvimbeni iZINWA ngoba amakhansili onke elizweni evumile ukulandela umthethwa obekwe kusikhatshana esedluleyo othi ingatsha zonke zamanzi lengchekeza kumele zibesezandleni zeZINWA, okulugatsha lukahulumende olubona ngezamanzi elizweni lonke jikelele. Wengeze wathi umanisipala uvumelana lozulu wakoBulawayo jikelele ekuthini ingatsha zozimbili lezi kumele zale zisezandleni zikamanisipala.

Kodwa uthi kumele kwaziwe ukuthi uhulumende welizwe ulamandla edlula abohulumende bezabelo lokuthi imithetho yelizwe kumele ilandelwe. Uthi lobanje bephikisa inyathela leZINWA, akulalutho labo abangalwenza ngoba lokhu kungaphezu kwamandla abo.

Idolobho lakoBulawayo libhekane lobunzima bokusilela kwamanzi obunzima osobubangele ukuthi indawo ezinengi zalelidolobho zihlale okwamaviki amanengi zingelamanzi. Izakhamizi seziphila ngokukha amanzi ezikotsho lasematankeni eziwanikezwa ngumanisipala kodwa amanye alawa manzi abikwa engahlanzekanga, khona osokubangele ukuqhamuka komkhuhlane wohudo.

Ezinye Indaba ZeStudio 7...

XS
SM
MD
LG