Owakewadla ubhedu edlalela iqembu leHighlanders waphumelela waze wayadlalela kwele Cyprus uZenzo Moyo selobelane isivumelwano leqembu le Botswana i Botswana Meat Company (BMC) ukuze adlalele leliqembu.
UZenzo uthi usuke kuHighlanders ngoba abasekeli baleliqembu bebehlezi bemsola kakhulu ngoba befuna edlale ngobungchitshi ayedlala ngabo kuminyaka edluleyo engakayi kweleCyprus. Kodwa uthi yena ubengasakwenelisi lokhu. I BMC liqembu lenkampani kahulumende weBotswana eyenza inyama efana nje le Cold Storage Company (CSC) eye Zimbabwe.
UZenzo utshele uNtungamili Nkomo weStudio 7 ukuthi ukhangelele ukuvuselela ukudlala kwakhe kweleBotswana andubana adlulele kweleSouth Africa ukuyadinga iqembu angalidlalela.