amalinks wokungena

Breaking News

Umhlabeleli Olodumo uLucky Dube Udutshulwe Wafa E Johannesburg


Umhlabeleli weSouth Africa womdumo wamakhosi ireggae olodumo uLucky Dube usefile. UDube obeleminyaka engamatshumi amane lanthathu udutshulwe izolo ntambama etshayela imota yakhe eRosettenville, eJohannesburg, ngabantu abacatshangelwa ukuthi kade befuna ukumumthathela imota yakhe. Isehlakalo lesi sitshiye umhlaba wonke uthithibele ngoba uDube ubesazakala umhlaba wonke ngokucula umdumo wezihlengeni oduduza abahluphekayo ekholisisa abajabulayo lezithandani.

Amapholisa akwele Johannesburg asekhethe iqula labacubunguli ukuthi lidinge izikliwi ezibulele uDube phambi kwabantwa bakhe ababili. UDube, obeseliminyaka engamatshumi amabili lanhlanu ecula, waqala ecula umdumo wembaqanga kodwa ngo 1983 waqala ukucula umdumo we reggae esekhonza icawe lamaRastafarian. UDube utshiye umkakhe abesanda kumthatha u Zanele, labantwana abayisikhombisa u Bongi, Nonkululeko, Thokozani, Laura, Siyanda, Philani, losane olulenyanga ezintathu u Melokuhle. IStudio 7 ikhulume loMzwakhe Mbuli ongesinye sezikhulumeli zemuli ka Dube, ochasisa ukulahlekelwa lobuhlungu obusebantwini abanengi.

Inkampani yezomculo esebenze okweminyaka eminengi lo Dube i Gallo Record Company yethule umbiko wokukhalela imuli, labalandeli baka Lucky Dube emhlabeni wonke jikelele ngemfa yakhe ngemva kokudutshulwa yizikliwi eRosettenville.

Ezinye Indaba ZeStudio7..

XS
SM
MD
LG