Izakhamizi zedolobho le Victoria Falls zibikwa zethuswe zincwadi zamanzi ezivela kuhlangothi lukahulumende olubona ngenhlelo zamanzi, iZimbabwe National Water Authority i ZINWA, ezitshengisa ukuqonga okwesabekayo kwentengo yamanzi kunyanga kaMpandula layonale esikiyo. Ilunga ledale lephalamende elimela i Hwange East lithi izakhamizi kuzafuze ziqoqane, zidinge ukukhulumisana le ZINWA ukuze zilungisise loludaba. UMnumzana Thembinkosi Sibindi uthi ukutshengisela ngeyinye indlela izakhamizi ezidinga ukulungisisa loludaba.
Kunjalo nje, esinye isakhamuzi seMkhosana edolobheni leVictoria Falls esamukele incwadi yamanzi efika 11 million dollars sithi okumangalisayo yikuthi uhulumende uvumele ukwehliswa kwentengo yezinto phansi kohlelo oluthiwa operation Dzikisayi Mitengo, ngakwelinye icele esekela ingatsha zakhe zikhweza intengo yezinto ezifana lamanzi. UMnumzana Celani Ncube uthi kungagcono izinwa ivale amanzi emzini wakhe ngoba engeke enelise ukubhadala leyo mali, avele engayiholi.