Umphathintambo obona ngezokulima uMnumzana Rugare Gumbo uthi uhulumende usekhuthaza abalimi ukuthi balime umumbu omlutshwana baqakathekise ukulima izilimo ezingafuni izulu elinengi. UGumbo uthi kulesi isikhathi sokulima abalimi kumele balime izilimo ezifana le nyawuthi, uphoko, isoya beans lamazambane.
UGumbo uthi abalimi bazakhuthazwa ukuthi balime i hectare eyodwa kuphela yomumbu emasimini abo. Kodwa ingcwethi ezibona ngezokulima zithi uhlelo lukahulumende lolu alusoze luphumelele njengezinye ezifana lo Operation Maguta-Sisuthi. Zisithi i hectare eyodwa yomumbu yenela imuli kuphela hatshi ukuthi umumbu ungathesingelwa iziphala zikahulumende.
UMnumzana Edward Mkhosi omela isigaba seMangwe edaleni lepalamende, elilunga lekhomidhi ebona ngezomhlabathi lokulima kulelidale, uthi inhlelo zikahulumende lezi ziza ilizwe selibhake lohlupho olukhulu,lwendlala njalo udubo lolu luzathatha isikhathi eside ukuze luqedwe.