amalinks wokungena

Breaking News

Uhulumende Uthembisa Ukuhlolisisa Imbiko  Yokutshaywa Kwamalunga eMDC


Umphathintambo wezenzakala phakathi kwelizwe, uMnumzana Kembo Mohadi lamhlanje emini ubelomhlangano lenkokheli yecele le MDC elikhokhelwa nguMnu. Morgan Tsvangirai.

Lumhlangano uza ngemva kokuba uMohadi ecele ukuthi uTsvangirai lenkokheli yakhe izemchasisela ngembiko abayethule ngeviki edluleyo ethi ucuku lwamapholisa, abakubutho, amawar vets labasakakhulayo bebandla leZanu PF behlukuluza abasekeli becele leli okungabangela ukuthi lelibandla likhalale inkulumo zokukhumisana umlotha ezikhokhelwa nguMongameli Thabo Mbeki oweSouth Africa. Unobhala waleli cele obona ngokwenzakala phakathi kwelizwe uMnu. Sam Sipepa Nkomo utshele uChris Gande weStudio 7 ukuthi umhlangano wabo uqutshwe kuhle okumangalisayo ngoba bekulokuzwisisana lo Mohadi othembise ukuhlolisisa izikhalazo zecele leli.

Ezinye izindaba zeStudio 7 …

XS
SM
MD
LG