Umthetho wokuvikela ukuhlukuluzwa kwabantu emizini yabo, i Domestic Violence Act ovunyelenwe edale lephalamende ngo Nhlolanja uqale ukusebenza lamuhla.
Inengi labantu, ikakhulu elilwela amalungelo abesifazane, abayibo abathi bayahlukuluzwa ezindlini belikhonona ngokuthi umthetho lo ubusuphuzile ukuthi uqalise ukusebenza.
Isiphathamandla sogatsha lwabesifazane enhlanganisweni ye National Constitutional Assembly ko Bulawayo, uNkosikazi Siduduzile Moyo, uthi lumthetho ulakho ukuthi ungasebenzi kuhle ngoba abantu bengasoze bayemangala nxa behlukuluzwa ngezizatho ezitshiyeneyo.