amalinks wokungena

Breaking News

Iziphathamandla Zecele leMDC Ziphoselana Inyoka Ephilayo Ngodaba Lwe Women's Assembly


Inkokheli yecele leMDC elikhokhelwa nguMnumzana Morgan Tsvangirai ilokhu iphoselana aqatha phezu kodaba lokudilizwa kohlangothi lwabesifazane.

Imizamo yeStudio 7 yokuthi sizwe ukuthi kuphumeni ekhwthweni lwayizolo koBulawayo emhlanganweni obusaziwa ngobalutshwana ukuthi uzenzelwa ngaphi yehlule ngoba iziphathamandla zingafuni ukukhuluma ngaloludaba. UNkosikazi Lucia Matibenga owayengumkhokheli wohlangothi lwabesifazane ubikwa ebuyiselwe esihlalweni sakhe.

Kuthi komunye umhlangano owenzelwe esitolo sokudlela esikamsekeli kaMnu. Tsvangirai, uNkosazana Thokozani Khuphe kubikwa kukhethwe unkosikazi Theresa Makone. Isikhulumi salelicele, uMnu. Nelson Chamisa walile ukukhuluma ngaloludaba esithi umuntu omele akhulume ngalo mgumgcinisihlalo, uMnu. Lovemore Moyo.

Yena uMoyo ubengabambeki ecingweni. Ingcwethi ecubungula ezombusazwe umnumzana George Mkhwananzi utshele uChris Gande weStudio 7 ukuthi sekukhanya mhlophe ukuthi icele leli selidabuke phakathi.

Ezinye izindaba zeStudio 7 ….

XS
SM
MD
LG