amalinks wokungena

Breaking News

Sasilitshela NgoTsvangirai Wenu Lina Lisithi Singabahlamuki: MDC MUtambara


Icele leMDC elikhokhelwa ngusikhwicamfundo Arthur Mutambara lona elehlukane lelikhokhelwa nguMnu Morgan Tsvangirai iMDC isamanyene lithi ingxabangxoza eyenzakalayo kucele likaTsvangirai iveza sobala izizatho ezenza behlukana loTsvangirai.

IMDC ithe idabuka phakathi ngomnyaka ka2005 abanye abantu basola inkokheli yemandebeleni besithi ilenkethabetshabi ngoba ibisifuna ukususa uTsavngirai kusikhundla sakhe ifake inkokheli yemandebeleni. Kodwa icele leli lona lathi isizatho esibangele ukwehlukana kwabo yikuthi uTsvangirai unguntando kayiphikiswa njalo akahloniphi isisekelo sebandla lakhe.

Lokhu kwenzakala eze eqinise ikhanda ale ukulandela isinqumo senkokheli yebandla esokuthi iMDC kumele incintise kukhetho lweSenate. Umbuzo okhanya uqhamuka kathesi ngothi kambe uTsvangirai ngumkhokheli olohlonzi yini nanku kuhlala kusiba lokuxabana kubandla alikhokhelayo. Kambe kulenkethabetshabi ekhona yini lapha kumbe yikwehluleka nje kwakhe lokuba nguntando kayiphikiswa?

Sibelengxoxo lomsekeli wesikhulumi seMDC kaMutambara uMnu Abednico Bhebhe othi ababesola icele lakhe sebezibonela ukuthi umuntu olenkinga nguTsavngirai nangu sebangele ukudabuka phakathi kwecele lakhe ngodaba lokungalandeli isisekelo.

Ezinye Indaba ZeStudio 7...

XS
SM
MD
LG