Abenhlanganiso ezizimeleyo bahlangane eHarare lamuhla ukuzokuzwa kuzithunywa zabo imicabango yenkokheli yamacele womabili aweMDC ngodaba lohlupho lwezombusazwe olukhona elizweni.
Iqula lalezinhlanganiso lihlangane lomnu Morgan Tsvangirai kuviki edluleyo lahlangana njalo losikhwicamfundo Arthur Mutambara kuliviki bekhulumisana ngodaba lwenkulumo eziqhutshwa ngumkhokheli Thabo Mbeki weSoutha Africa. Kubikwa uMutambara loTsvangirai betshele iqula leli ukuthi bebeqhubekela phambili ngodaba lokuloba isisekelo sombuso esitsha lokukhulumisana leZanu PF.
Kodwa omunye obeyisithunywa salezinhlanganiso uMnu Ray Motsi utshele iStudio 7 ukuthi inhlanganiso ezifana labo NCA kanye labo Crisis in Zimbabwe Coalition zisole kakhulu amacele eMDC la zisithi isisekelo sombuso simele silotshwe ngemva kokuba kukhulunyiswane lozulu hatshi ukuthi silotshwe ngabezombusazwe.