amalinks wokungena

Breaking News

Kufa Isiphepheli SeZimbabwe KweleSouth Africa Sikudwendwe Lokudinga Amaphepha Okuphephela


Kulesiphepheli seZimbabwe esibulawe yindlala kweleSouth Africa ngolweSihlanu sisedwendweni lokudinga incwadi zokuphephela kulelolizwe. Lokhu kwenze inhlanganiso ezilwela ilungelo leziphepheli zathukuthela ngoba zisithi luveza sobala ubunzima izizalwane zeZimbabwe ezibhakane labo.

Umnu Adonis Musati ubikwa ebeselenyanga ezintathu ekuloludwendwe engasuki ngoba efuna incwadi zokuphephela kuthi njalo ubelala ezitaladeni engatholi kudla. I Human Rights Commission yeSouth Africa ithi siqalisile ukuhluza loludaba. Ithi njalo imbiko ekhitshwe yi komidi yephalamende kunyanga edluleyo eyokuthi iwofisi yezangaphakathi kwelizwe kayiphathi kuhle iziphepheli iliqiniso nanku sokusifa abantu.

Umbuthwano wemfa kaMusati uzakwenziwa ngoLwesine lwaliviki phandle kwewofisi yezangaphakathi kwelizwe ePritoria. Amapholisa wona athi asahluzisisa ukuthi izihlobo zikamufi ngobani ukuze zihambise isidumbu sakhe eZimbabwe.

Sibelengxoxo lengcwethi kweze Forced Migration uMnu Mlamuli Nkomo othi yena ukuhlukuluzwa kwezizalwane ziZimbabwe ezifuna amaphepha okuphephela kweleSouth Africa yinto esiyimvama kulezinsuku.

Ezinye Indaba ZeStudio 7...

XS
SM
MD
LG