amalinks wokungena

Breaking News

Icele Le MDC Elikhokhelwa NguMnumzana Morgan Tsvangirai Lithi Leli Bandla Kalibhidliki Ngabezindaba Abathi Liyabhidlika


Icele leMDC elikhokhelwa nguMnumzana Morgan Tsvangirai namhlanje lethule umbiko wokuthi ibandla leli lisaqinile njalo akulakubhidlika njengalokho okutshiyo ngabezindaba. Umbiko owethulwe yisikhulumeli salelibandla uMnumzana Nelson Chamisa uthi ibandla leli selizinikele ukulungisisa okuhluphayo elizweni ukuze lihlenge imuli yeZimbabwe ebunzimeni ebhekane labo. Embikweni wakhe uChamisa uthi abezindaba yibo abafisa ukuthi ibandla leli libhidlike.

Ngomgqibelo icele lika Tsvangirai lizakuba lomhlangano wokuxazulula udaba lokwesulwa kwenkokheli yohlangothi lwabesifazane ngemva kokwala kwenkokheli kaTsvangirai ukwamukela uNkosikazi Theresa Makone njengomgcinisihlalo wohlangothi lolu. UTsvangirai yena ufuna ukuthi uNkosikazi Makone aphiwe lesisikhundla. IStudio 7 ikhulume lelunga le Bulawayo Agenda uMnumzana Alfred Ncube othi ukuze u Tsvangirai alungisise ingxabangxoza ekubandla lakhe kumele abuyisele uNkosikazi Lucia Matibenga esikhundleni nxa kuyikho okufunwa ngamalunga alelibandla.

Kunjalo nje ingcwethi kwezombusazwe zithi ukulandula ukuthi kulengxabangxoza kucele le MDC leli sokuveza ukungathembeki kwalo ngoba liqambela uzulu weZimbabwe amanga. UMnumzana Zenzo Nkomo utshele u Brenda Moyo we Studio 7 ukuthi u Tsvangirai labanye bakhe bayenga uzulu ngokuthi ibandla labo selijonge ukulungsa okuhluphayo elizweni lona lingekho embusweni.

Ezinye Indaba ZeStudio7..

XS
SM
MD
LG