amalinks wokungena

Breaking News

Amapholisa EZimbabwe Akhuthazwa Ukwekela Ukwephula Ilungelo Loluntu


Inhlanganiso yamagqwetha alwela ilungelo loluntu emhlabeni jikelele iInternational Bar Associations Human Rights Institute namhlanje yethule umbiko okhuthaza amapholisa eZimbabwe ukuthi ekele ukuhlukuluza izibotshwa,lokwephula ilungelo loluntu, ikhuthaza inhlanganiso ezifana le SADC ukuthi zingenele kudaba lokwephulwa kwamalungelo kazulu. Inhlanganiso ezizimeleyo zelizwe ezigoqela i WOZA lazo sezethule umbiko wokuhlukuluzwa kwamalunga ayo ngamapholisa.

Ugwalo olwethulwe yi Bar Association luthiwa “Partisan Policing: An obstacle to human rights and democracy in Zimbabwe” ugwalo lolu luza ngemva kokuba amagqwetha akwamanye amazwe ethekelele i Zimbabwe esiyacubungula udaba lokwephulwa kwamalungelo abantu.

Kodwa igqwetha elisebenzela inhlanganiso elwela ilungelo loluntu i Zimbabwe Exiles Forum, uNkosazana Anna Moyo utshele u Brenda Moyo weStudio 7 ukuthi lolugwalo alusoze luguqule umumo oselizweni kumbe ukwenza kwamapholisa, kodwa lugcizelela okuhlezi kusethulwa zinhlanganiso ezizimeleyo.

Ezinye Indaba ZeStudio7..

XS
SM
MD
LG