amalinks wokungena

Breaking News

Abake Basebenza LoTsvangirai Basola Ubukhokheli Bakhe


Ingcwethi ezicubungula ezombusazwe zithi uMnumzana Morgan Tsvangirai okhokhela elinye lamacele e MDC engehluleka ukulungisisa okuhluphayo ebandleni lakhe lilakho ukudazuka njalo phakathi. Ingxabangxoza kucele leli iqalise ngemva kokususwa esikhundleni kwenkokheli yohlangothi lwabesifazane obelukhokhelwa nguNkosikazi Lucia Matibenga.

UTsvangirai yena ufuna isikhundla lesi sithathwe nguNkosikazi Theresa Makone laye othi wakhethwa ngabesifazane kuzigaba zonke zelizwe ukuthi akhokhele loluhlangothi.UNkosikazi Matibenga laye uthi nguye olokhe ekhokhela uhlangothi lwabesifazane. UMatibenga lo Makone bonke bathi sebeqalisile ukukhankasela lelibandla kukhetho lomnyaka ozayo. Loludaba lubikwa lulakho ukudabula phakathi icele lika Tsvangirai. okwakhathesi icele leli alikakhulumi ukuthi udaba lolu luzaxazululwa njani njalo nini.

IStudio 7 ikhulume loMnumzana Arthur Molife osebenze le MDC isamanyene, wasebenza lecele likaTsvangirai isidazuke phakathi, othi usola kakhulu ubukhokheli bukaTsvangirai kusukela kubunjwa lelibandla.

Ezinye Indaba ZeStudio7

XS
SM
MD
LG